Artola ausart batek eta defentsan sendo aritu zen Imazek aurreko bi jardunaldietan baino gehiago estutu bazituzten ere, mallabitarrak eta bergararrak oso bikote irmoa direla konfirmatu zuten, aurpegi berria eta dotorea erakutsi zuen Atano III.ean.
Iñaki Artola oso ausart batek eta defentsan bikain moldatu zen Ander Imazek lehen bi jardunaldietan baino gehiago estutu bazituzten ere, Aitor Elordi eta Beñat Rezusta txapelketako lider sendoak dira, kantxan erakutsitako agintea sailkapenean ere erakutsita. Aurpegia berrituta agertu zen Atano III.ean txapelketako hirugarren puntua lortu zuten Aspekoek. Orain arte elkarrekin askorik jokatu gabeak ziren arren, mallabitarrak eta bergararrak oso ondo hartu dute elkar txapelketa honetan eta lider sendoak dira, orain arte jokatutako minutuen gehiengoan erasoan aritzeko gai izanda.
