Jokin Altunak eta Julen Martijak bereak eta bi ikusi zituzten Unai Lasori eta Ander Imazi irabazi eta binakako txapela janzteko. Biek lortu dute marka: Altuna hiru diziplinatan txapela lortu duen zortzigarren pilotaria da; Martija, berriz, binaka bi txapel eskuratu dituen atzelaririk gazteena
Sufrituz lortutako garaipenekin gehiago gozatzen baldin bada, nekez gozatuko dute inoiz Jokin Altunak (Amezketa, Gipuzkoa, 1996) eta Julen Martijak (Etxeberri, Nafarroa, 1997) irabazi berri duten binakako txapelarekin baino gehiago. Direnak eta ez direnak sufritu baitzituzten herenegun finalean, Unai Lasori eta Ander Imazi nagusitzeko. Oso estua izan zen emaitza, 22-20, baina txiki geratzen da partidan izan zen muturreko gogortasuna, parekotasuna eta tentsioa behar bezala azaltzeko.
Leer más | Guztia irakurri: https://www.berria.eus/paperekoa/1881/035/001/2022-04-05/sufritu-gozatzeko.htm.
