Zabaletaren joa desaktibatu eta uste baino errazago gailendu da Jokin Altuna.
Dohain fisiko eta teknikoak gorabehera, une bakoitzean, kantxa barruan eta kanpoan, beti erabaki zuzena hartzeko gaitasunak bereizten ditu noizbehinka sortzen diren txapeldun handiak eta pilotari onak. Beste behin, Jokin Altunak sailetik apartekoa dela berretsi zuen Atano III.ean, Jose Javier Zabaleta egurtu eta buruz buruko finalerdietarako txartela eskuratuz.