Jaka 21-18 izan da aurretik, baina ez du asmatu partida amaitzen. Peio Etxeberriaren aurka jokatuko du finala Amezketakoak
Lau eta Erdiko Txapelketako finala eskura izan du Erik Jakak. Tanto bakarrera, zehazki (21-18). Parean, ordea, Jokin Altuna zuen, zortzigarrenez jarraian finalean izango den pilotaria. Boladaka jokatu dute partida Eibarko (Gipuzkoa) Astelena pilotalekuan; 7-14 izan da aurretik Amezketakoa, 20-17 ere bai atzetik, baina, azkenean berak hartu du garaipeneraino eraman duen olatua. Atzo Peña II.ari irabazi zion (22-15) Peio Etxeberriaren aurka jokatuko du finala.
