Aitor Elordi eta Gontzal Urionabarrenetxea haren prestatzaile fisikoa garaje xume batean hasi ziren elkarrekin lanean duela bost urte. Larri zegoen orduan pilotari mallabitarra, baina, ordutik, jauzi handia egin du.
Egitasmo arrakastatsu asko hasi dira apal-apal. Halaxe hasi ziren elkarrekin lanean Aitor Elordi (Mallabia, Bizkaia, 1996) eta Gontzal Urionabarrenetxea prestatzaile fisikoa (Markina-Xemein, Bizkaia, 1991) duela bost urte. «Nik jada zenbait pilotarirekin egiten nuen lan: Irustarekin eta Aretxabaletarekin, besteak beste. Haiek hitz egin zioten nitaz Aitorri. Baina ez genuen non entrenatu. Lagun batek utzi zidan garajea, entrenamendu plan bat egitearen truke. Etxean nituen gailuak hartu, eta hara eraman nituen. Horrela hasi ginen Aitor eta biok elkarrekin lanean», gogoratu du Urionabarrenetxeak.
+ info: https://www.berria.eus/paperekoa/1913/018/001/2023-05-31/apaltasunetik-arrakastara.htm.
