Aspek Binakako Txapelketatik kanpo utzi du Danel Elezkano. Lehen bi sailkatuak zuzenean izango dira finalerdietako ligaxkan, eta beste biak kanporaketa bidez sailkatuko dira
Berria. Aurkezpenean baieztatu zen zurrumurrua. Aspek Binakako Txapelketatik kanpo utzi du iazko bikote txapeldunaren aurrelaria: Danel Elezkano. Beñat Rezustarekin jantzi zuen txapela Zaratamoko (Bizkaia) pilotariak, baina aurten ez da ariko. Baikok zuen beste zalantza: Oinatz Bengoetxearekin. Baina Leitzakoak (Nafarroa) txapelketa jokatuko du, Jon Mariezkurrenarekin batera. Hala, Andoni Aretxabaleta kanpoan geratuko da oraingoan.