Duela sei urte Asperekin lehen aurrekontratua sinatu eta gero, Eugiko aurrelariak etzi egingo du debuta, Elizondon. Lehen Mailan aritzea eta txapelen bat irabaztea du amets. Baina, orain, «gozatzea» du helburu
«Dei diezadakezu ordu erdi geroago? Eskolako etxeko lanak egiten ari naiz». Aingeru de la Fuente (Eugi, Nafarroa, 2002) gogotsu ari da prestatzen debuteko partida, baina argi du ikasketak dituela lehentasuna. Ahazten bazaio, etxean du akuilua. «Gurasoek etengabe gogorarazten didate».
