Pozarren daude Peio Etxeberria eta Jose Javier Zabaleta binakako txapela irabazita. Atzelariak bosgarren txapela du binaka; aurrelariak, berriz, aurrena Lehen Mailan
Igandean finala eta txapela irabazteko errebotera bidali zuen pilotakadak laburbiltzen du ondoen zenbatekoa den azkeneko urteetan Jose Javier Zabaletak (Etxarren, Nafarroa, 1991) Binakako Txapelketan darabilen nagusitasuna. Horri esker irabazi ditu bost txapel, eta handienen pare jarri: Julian Retegi, Antxon Maiz, Juan Martinez de Irujo eta Zabaleta bera dira binaka txapel gehien dituztenak. Hura eta Maiz II.a dira atzelari bakarrak laukote horretan. Arantzakoak (Nafarroa) 31 urte egin ditu bakarrik, Zabaletak harrapatu duen arte.
+ info: https://www.berria.eus/kirola/bat-gailurrean-bestea-gorantz_2123059_102.html.