Bengoetxea VI.a-Imazek 22-18 irabazi diete Ezkurdia-Galarzari, eta bigarren puntua lortu dute. Leitzarrak hamasei tanto egin ditu guztira
Berria. Oinatz Bengoetxeak eta Ander Imazek bikote borrokalaria osatzen dute. Ziur asko, haiek dira txapelketan kolpe gutxien duen bikotea, eta badakite puntu guztiak lanaren bidetik lortuko dituztela. Bada, atzo hori egin zuten Joseba Ezkurdia eta Ladis Galarzaren aurka, Arrasaten: borrokatu, eta 22-18 irabazi zuten. Irabazleek bigarren puntua lortu zuten, eta atzoko aurkariak harrapatu dituzte sailkapenean.
