Errioxarrak bi hilabete zeramatzan jokatu gabe, baina oso bizi jokatu du hasieratik eta 3-14 aurreratu zaio deseroso aritu den Zabaletari. Pilotak gastatu direnean etxarrendarra asko hurbildu zaio markagailuan, baina ez du lortu partida iraultzea.
Dario Gomez errioxarrak Buruz Buruko final-laurdenetako ligaxkako lehen puntua eskuratu zuen atzo Labriten, Jose Javier Zabaleta 17-22 mendean hartuta. Bi hilabetez partidarik jokatu gabe egon arren, Ezkaraiko aurrelariak maila bikaina erakutsi zuen, eta neurketako lehen erdian pilatutako alde handia erabakigarria izan zen garaipena lortzeko.
