Hemezortzi urteren ondoren, Aimar Olaizola buruz buruko txapelketatik kanpo geratuko da lehen aldiz. Botilerorik gabe jokatuko den estreinako txapelketa ere izango da
Berria. Hutsune handi batekin hasiko da aurten Banakako Txapelketa: Aimar Olaizolarena. 2000n lehen aldiz aritu zenetik, urte batean bakarrik ez du parte hartu aurrelari goizuetarrak, 2001ean, eta hurrengo hemezortzi urteetan txapelketa nagusiko ezinbesteko izena izan da. Iaz txapeldunorde izan ostean, faboritoen kinieletan sartzeko aukerak zituen, baina otsailean Binakako Txapelketa utzi behar izan zuen, min hartuta.
