Euskarazko kateak %2,8ko ikusle kuota bereganatu du EAEn. ETB2k %8,1eko kuota izan du, 2018. urtean lortutako txikiena
ETB1ek datu onak bereganatu ditu uztailean eta abuztuan: lehen hilean, %2,7ko ikusle kuota, eta bigarrenean, %2,8koa. Hain zuzen ere, abuztuko datu hori da hilabete batean euskarazko kateak lortu duen onena 2012ko apiriletik. Orduko hartan, %3,1eko kuota erdietsi zuen, baina kontuan izan behar da hilabete hartan Txapeldunen Ligako finalerdiak eman zituela ETBk.
