Altunak eta Ezkurdiak pilota mota ezberdina aukeratu dute finalerako, baina ez bata ez bestea ez dira kexatu. Biek azaldu dute pilota modu arraroan irteten dela Nafarroa Arenako ezkerparetatik
Berria. Etxea estreinatzeak hori du, egun batzuk pasatu arte ez dela norberarena sentitzen. Hoditeriak, berogailuak… guztiak denbora pixka bat behar du. «Nafarroa Arena pilotaleku ona da, baina bertan ibili ahala izango da hobea. Hori behar du: erabilia izatea». Azalpena Jokin Altunak eman zuen atzo, pilota aukeraketaren ondoren. Jokin Ezkurdia antzera mintzatu zen. Ezkurdia, dena den, eta, Altuna ez bezala, binaka jokaturikoa da bertan, eta biek pilotalekuaren ezaugarri berak nabarmendu zituzten: ezkerpareta eta zoru bizia.
