Gara. Jon Ander Peña (Tolosa, 1997/07/18) une gozoak bizitzen ari da. Oinatz Bengoetxearen ordezko gisa sartu zen Caixabank Masters-ean, eta jokatutako bi partidak irabazi egin ditu; aurrenekoa, Olaizola II. eta Zabaleta faboritoen aurka, gainera. Aitortu duenez, itxialdiko hilabeteetan lan handia egin du eta bere maila erakusten jarraitu nahi du: hurrengo aukera datorren astelehenean izango du, etxean.
