Jakak irabazi du Ezkurdiaren aurka jokatu den finalerdia Astelenan (22-16), eta, ondorioz, Altuna izango du berriro ere aurkari finalean.
Tolosaldeko Ataria. 2020ko Lau t’erdiko Txapelketak baditu finaleko bi protagonisten izenak, igande honetan, Eibarko Astelenan jokatu den bigarren finalerdian Erik Jakak irabazi baitio Joseba Ezkurdiari (22-16). Hori dela eta, Jokin Altunaren aurka berriro ere aurrez aurre lehiatuko da txapelaren bila datorren igandean, Bilboko Bizkaia frontoian. Duela hiru aste buruz buruko finalean jardun zuten pilotari berak izango dira nor baino nor gehiago berriro.
