Hatzean hausturarik ez duen arren, Zenotzekoak eskuin eskuko hatz txikian duen zauria ez da behar bezala itxi, eta Peña-Albisuren aurka gaur gauean jokatzeari uko egin zion atzo, Labriten egindako probaren ondoren.
Jaialdietako hirugarren partidetan aritu beharra etsigarria suerta daiteke txapelketetatik kanpo diren pilotarientzat, baina Javier Zabala errioxarra azken aste luzeetan egiten ari den lan izugarriak bere saria izango du gaur gauean Sestaon, Logroñokoak bere ibilbideko lehen aukera izango baitu lehen mailako Binakakoan, Peio Etxeberriaren ordezko gisa. Jose Javier Zabaleta lagun, Peña-Albisuren aurka jokatuko du bosgarren jardunaldia itxiko duen partida.
