Lehen faseko bikoterik erregularrena erreakziorik gabe geratu da gutxika-gutxika, urdinak partidan sartu ahala. 1-12ko partzialarekin, 9-15 aurreratu dira Artola eta Imaz eta finalerdietako lehen garaipena bideratuta utzi dute.
Partidaren hasieran onartu zuen Erik Jakak, aspaldian zebiltzala presiorik gabe jokatzen, finalerdietarako sailkapena ondo bideratu baitzuten lehendabiziko fasean. Hala, finalerdietako ligaxkako lehen partida garrantzitsu honetan nola erantzungo ote zuen zalantza zeukan. Pronostikoen arabera, bikote makalena Artola eta Imazek osaturikoa zen, batez ere azken unean, ozta-ozta, markagailua iraulita -eta nola, gainera- sailkatu zirelako finalerdietara; gainera, Alegiakoak gastroenteritisa pasatu berritan.
