Jokin Altuna pilotari amezketarrak hirugarren aldiz irabazi du lau eta erdiko San Fermin Torneoa. Erik Jaka lizartzarraren aurka irabazi du gaur: 22-14. Hala ere, kantxako jokoak bezain besteko interesa piztu du harmailetako giroak.
Jokin Altunak 22-14 irabazi dio Erik Jakari lau eta erdiko San Fermin Torneoko finalean. Lehen tantoetan lizartzarrak gehiago agindu du, baina abantaila hartuta ere, beti gertu izan du amezketarra. 14nako berdinketaren ondoren, erabat hautsi da partida; tartean Altunak 9-0eko partziala egin du. Amezketarra buruz argiago aritu da bigarren zatian; Jakak, berriz, min hartu du hatz batean eta horrek ere eragina izan du azken tantoetan.
+ info: https://ataria.eus/tolosaldea/1688746285020-san-altuna-iiia.
