Altunak eta Elordik esan dute «oso» gogotsu daudela finalerdietan elkarren aurka jokatzeko: batek zazpigarrena du jarraian; besteak, aurrenekoa
Txapelketa nagusietan aukerarik gabe, Aitor Elordik ondo daki garai honetan zer den bere enpresakideei igandekoa bezalako partidak prestatzen laguntzea. Urrutira joan gabe, zenbatetan ez daki ziur, baina hamaika aldiz aritu izan da Jokin Altunarekin sparring lanak egiten, Bizkaia pilotalekuan bertan. Igandekoa, ordea, oso bestelako hitzordua izango dute finalerako txartela izango baitute jokoan. Mallabitarraren lehen mailako lehena izango litzateke; kaiolako zazpigarrena jarraian amezketarrarentzat.
