Zortzi pilotarietatik erdiak, Altuna, Jaka, Artola eta Peña, kilometro gutxiren bueltan bizi dira eta gutxienez lauretako bat finalerditan izango da. Ikusmina sortu du bihar Altunaren eta Artolaren arteko demak, 2014ko Promozio mailako finala gogoan.
Aspaldiko urteetan Tolosaldea izan da lehen mailako pilotarien faktoriarik emankorrena, eta gaur egun profesionalak diren 41 pilotarietatik zortzi -hots, %19,51- inguruko zortzi herri desberdinetan sortuak dira. Artola, Jaka, Peña, Elizegi, Iztueta, Ugartemendia, Altuna eta Tolosa dira aipatu zortzi pilotari hauek.
