Atzelari profesionalen batez besteko adina ez da 24 urtera iristen, eta jada ez dago atzelari beteranorik. Abel Barriolak eta Fernando Goñik garbi dute non egon den aldaketa: enpresetan.
Berria. Kirolari baten agurrean, zaleak errespetua erakutsi nahi dio protagonistari. Egindako lana goraipatzeko eta eskertzeko modua izan ohi da. Hunkigarriak eta politak izan daitezen desira da. Pilotaren kasuan, ordea, azken boladan agurreko partidek eta ekitaldiek gehiago dute amorrutik, emoziotik baino.
