Artola-Mariezkurrenak 22-16 irabazi dute, eta tarte txikia ireki dute ligaxkan. Bengoetxea-Imazek arnasa hartu dute Iruñean (22-13)
Berria. Binakako Txapelketako garaipen guztiek puntu bat ematen diete irabazleei, baina badaude partida batzuk balio bikoitza dutena, eta, hain zuzen, horietako bana irabazi zuten atzo Artola II.a-Mariezkurrenak eta Bengoetxea-Imazek. Aurrenekoak 22-16 irabazi zieten Ezkurdia-Ladis Galarzari, Tolosan; eta besteek 22-13 Altuna III.a-Martijari, Iruñean. Bi bikote irabazleak aurkari zuzenei nagusitu zitzaizkien, eta kinka larrian utzi dituzte galtzaileak.
