Zortzi urte behar izan ditu Binakakoan titular gisa aritzeko, eta gozatzea bai, baina sufritzea ere egokitu zaio estreinako txapelketa honetan. Hala ere, lehen ere aurrera egiten zaildutakoa da anoetarra eta, horrenbeste itxaron ostean, ez zegoen aukera bikain honi, besterik gabe, alde egiten uzteko
Gara. Masajistarenetik bueltan hartu gaitu anoetarrak, txapelketa osoa bezala, Zallako asteburuko partida gogorra izan zelako oso eta ostiralean bere bizitzako partidarik erakargarrienetako bati aurre egiteko puntu-puntuan egon nahi duelako. Bere titular gisako lehen Binakakoan, finalerdietan sartzeko aukera izango du Joseba Ezkurdiarekin batera, aste askoan sailkapenaren zuloan egon ostean.
