Wolframa bakartzea lortzeagatik 1783an Juan Jose eta Fausto, Elhuyar anaiek mundu mailako sona lortu bazuten, hiru mende geroago beste bergarar batek, Jokin Etxanizek, frontoietako arrakastaren formula topatu duela dirudi. Bere sekretuen berri jakin nahi izan dugu aurtengo kaiolako finalisten ahotik
Egia da mende luzez edozein metal urre bilakatzen saiatzen ziren azti moduko horiek baino lehengai hobeak dituela eta izan dituela esku artean; baina, azken urtetetako emaitzak ikusita, esan genezake Jokin Etxanizek topatu duela frontoietako harri filosofala eta bere eskuetatik pasatzen diren pilotariak hobeak egiten dituen formularen jabe dela.
