Altuna III.a eta Laso konforme azaldu dira finaleko pilotekin. Molde oso antzekoak aukeratu dituzte bi pilotariek, eskuan «ondo» sartzen diren horietakoak. Amezketakoa da faborito argia: 100-40ri
Berria. Urruti geratu da pilota aukeraketak sortu izan ohi zuen txinparta eta harrabotsa. Edonola ere, Jokin Altunak eta Unai Lasok euren eskuetatik emango diete pilotei nahiko gatza eta piper igandeko lau eta erdiko finalean. Atzo aukeratu zuten materiala, Bizkaia frontoian, eta bi pilotariak «gustura eta konforme» agertu ziren topatu zituzten pilotekin. Adierazi zuten «oso antzekoak» direla, eta bai batak zein besteak guztien gainetik ezaugarri bat nabarmendu zuten: eskuan ondo sartzen diren pilotak direla. «Ez dago aitzakiarik».
