Bihar jokatuko da Binakako txapelketako azken-aurreko partida, Astelenan. Bertan erabakiko da finalean arituko den bigarren bikotea: Altuna-Martija, edo Artola-Imaz.
Kale edo bale. Lau hilabete iraun duen txapelketako azken-aurreko partidan erabakiko da zein bikote arituko den finalean, Peio Etxeberriaren eta Jose Javier Zabaletaren aurka. Alde batetik, Baikokoak: Iñaki Artola eta Ander Imaz. Inor gutxik espero zituen finalaren atarian, baina gehien maitatutako bikoteetako bat izan da txapelketan. Beren lanak eraman ditu finalerdietaraino, eta inoiz baino gertuago dute finala. Beste aldean, Aspekoak: Jokin Altuna eta Julen Martija. Duela bi urte irabazi zuten txapela, eta lorpena berritu nahi dute. Mikel Olaetxea pilotari ohiak eta Tolosako Pilota Klubeko teknikariak (Lizartza, Gipuzkoa, 1985) neurketa aztertu du, eta partida berdindu bat aurreikusten du. Kontuak ezin argiagoak dira: Bihar garaile ateratzen denak jokatuko du final handia. Bi bikoteek atera beharko dituzte beren babak eltzetik.
+ info: https://www.berria.eus/kirola/aldaketa-edo-segida_2122273_102.html.
