Jokin Altunak proba ona egin berri du Amezketako pilotalekuan eta Jakaren aurka Eibarren jokatuko duen finalerdietako partida jokatzea erabaki du
Jokin Altunak oniritzia eman du. Amezketako aurrelariak beroketa egin du Jon Erasunekin Larrunarri pilotalekuan. Ondoren, ASPEko zuzendari tekniko Jokin Etxanizen babespean, hiru ordu laurdenez aritu da. Saioa ona izan da eta Altuna III.a igandean Eibarko Astelenan izango da Jakaren aurka 4 1/2ko Eusko Label Txapelketako finalerdietan.
