Donostian, Amezketakoak eta oso Martija sendo batek erakustaldia eman dute Jaka-Mariezkurrenaren aurka (22-7). Etxebarrin, oso fuerte hasi ostean, 18-7 ere aurreratu dira, ezkerren bikoteak susto handi xamarra eraman du Urrutikoetxea-Arangurenen aurka (22-16)
Gara. Binakako txapelketa inoiz baino estuago dago gailurrean, izan ere, Altuna III.a-Martija eta Irribarria-Rezustaren garaipenekin lau baitira zazpina puntuz lehen postuan berdinduta dauden bikoteak, gaurko bi garaileak eta Elezkano-Zabaleta eta Laso-Imaz. Behetik ere, inork ez du bere azken hitza esan eta badirudi azken jardunaldira arte ez dela ezer erabakiko.
