Iazko egitura bera izango du sanferminetako feriak: uztailaren 7an hasiko da, eta 14an bukatu
Ez da aldatu behar arrakasta daukana. Eta Iruñeko sanferminetako pilota feriak sekulako arrakasta dauka, urteak joan eta urteak etorri. Aspaldiko joera bilakatu da sarrerak salgai jarri eta ziztu bizian ia guztiak amaitzea. Hori dela eta, Aspe eta Baiko enpresek ia ez dute aldaketarik egin aurtengo, eta iazkoari eutsi diote: zortzi eguneko eta bederatzi jaialdiko feria antolatu dute. San Fermin egunean hasiko da, uztailaren 7an, eta 14an bukatu. Lau eta erdiko finala, binakako torneoa eta Olioaren Desafioa jokatuko dituzte. Labriten izango dira jaialdi guztiak.
+ info: https://www.berria.eus/paperekoa/1891/024/001/2023-06-28/arrakasta-duenari-eutsi-diote.htm.
