Belauneko lesio bat osatu ezinik, Aitor Zubieta pilotariak erretiroa hartu du. Ia urtebete zeraman jokatu gabe. Aspek omenaldia eginen dio uztailaren 7an
Berria. Negar malkotan eman zuen albistea. Etsita. «Nire ibilbide profesionala amaitu da. Hemendik aurrera, ez naiz zuriz jantziko». Erretiroa hartu du Aitor Zubieta pilotariak. Erretiro behartua. Azken urteetan pilatu zaizkion lesioek baldintzatu dute Etxarri-Aranazko atzelariaren ibilbidea, baina 2015eko irailean Bermeon (Bizkaia) jasotako kolpea erabakigarria izan zen. Ezinean zebilen ordutik.
