Izaeraz oso alaia da Dario Gomez (Ezkarai, Espainia, 1996), eta egun bizi duen garai gozoak hori areagotu baino ez du egiten. «Oso pozik» dago buruz burukoan egin duen lanarekin, baina «gehiago» nahi du: Lehen Mailako aurreneko finala jokatu nahi du. Badaki urte mordoa pasatu direla errioxar batek buruz buruko nagusiko finala jokatu zuen azken alditik: 1954an izan zen. «Badakit Barberito II.a izan zela [Abel San Martin]; gogoratu didate azken egunetan. Baina, tira, ez didate matraka handia eman horren kontura. Ahal dudan ondoen egiteko esan didate».
«Beste urrats bat egin dut. Baina gehiago nahi dut: finala jokatu nahi dut»
