Irribarria eta Zabaletak partidak indartsu hasteko duten ahalmena nabarmendu dute Elezkanok eta Rezustak, eta hura eragoztea gakotzat jo dute igandeko partidarako
Berria. Danel Elezkano eta Beñat Rezusta iratzargailua poltsikoan hartuta joango dira igandean Bilboko pilotalekura (17:00). Binakako finalerdietako ligaxkako partida izango dute Iker Irribarria eta Jose Javier Zabaletaren aurka. Irabazten duenak ligaxkako bigarren garaipena izango du, eta oin eta erdi izango du finalean. Askoren ustez, txapela irabazteko bi bikoteen arteko partida izango da, gainera, aurreraturiko finala.
