Ez pilotariek nahi luketen bezala, baina orain bi urte hartutako erabakian atzera egin, eta kirolariak aholkulari bat izan ahalko du ondoan larunbatetik aurrera, buruz buru, kasu honetan kaiolan, jokatuko dituen partida guztietan
Gara. Larunbatean Azkoitian hasiko den Lau eta Erdiko txapelketak berrikuntza nabarmen bat izango du: pilotariak hala nahiko balu, botilero bat izango du txapelketako partida guztietan, aurkaria enpresa berekoa edo desberdinekoa izan. Gauzak horrela, orain bi urte hartutako erabakian pauso bat atzera emango lukete enpresek, nahiz eta arau berri honek baduen “baina” handi bat, laguntzaile horrek enpresako teknikari edo kirolari bat izan beharko baitu nahitaez.
