Aspeko bikoteak 22-18 irabazi zien Artola eta Mariezkurrena II.ari, partida ikusgarri bezain nekagarrian. Gorriek alde nabarmenagoak lortu zituzten markagailuan eta azken txanpan irekitako tarteak (18-12) garaipenera eraman zituen.
Norberaren lana beteta, askoz hobeto ikusten dira gauzak. «Guk gurea egin dugu; ezin gara inoren zain egon»; baina, hala ere, gaur, telebistari begira egongo dira Ezkurdia eta Rezusta, ea Peña-Albisuren garaipen bat ikusi eta Binakako txapelketako finalera eramaten dituzten ospatzeko.
Content retrieved from: https://www.naiz.eus/eu/hemeroteca/gara/editions/2025-03-09/hemeroteca_articles/ezkurdia-eta-rezustak-ondo-bideratuta-daukate-finalerako-txartela.
