Zabalak eta Zabaletak sekulako erakustaldia emanda itxi dute finalerdietako ligaxka. Zabalaren hamargarren garaipena da segidan.
Peio Etxeberriak eta Zabaletak Binakako Txapelketan osatu duten bikote apartak maila bertsuko ordezkoa aurkitu du Javier Zabalarengan. Errioxarrak ordezko moduan bosgarren partida zuen atzokoa, eta guztiak irabazi ditu: bi Zabaletarekin eta hiru Martijarekin. Guztira, jokatu dituen azken hamar partidetan garaile izan da. Eta irabazi bakarrik ez, sekulako ikuskizuna eskaini zuen, gainera, Naiarakoak.
