2021eko finalean ezin izan zen eta aurtengo finalerdian jokatuko dute lehen aldiz elkarren aurka lehen mailako Buruz Burukoan Altuna eta Artolak
Bitxia da, baina profesionaletan laster hamar urte beteko dituzten arren, Buruz Buruko nagusian elkarren artean partidarik jokatu gabeak dira Jokin Altuna eta Iñaki Artola. 2021eko finalak aukera paregabea zirudien estreinaldirako, baina alegiarraren lesio malaparta batek zapuztu zuen aukera hura. Igandean Donostian ez da txapelik banatuko, baina eskaileran maila bat beherago, Atano III.ekoa ere ez da zita txarra lehen aldi horretarako.
