Unai Laso ez da gaizki aritu, baina nagusi izan da Jokin Altuna, 22-10. Atzo gehiago kostata lortu zuen finalerako txartela Joseba Ezkurdiak. Iazko finalista berak izango dira beraz
Berria. Abiadura izango zela gakoa esan zuen Jokin Altunak pilota aukeraketan, ez uztea Unai Lasori erritmoa ezartzen. Eta halaxe izan da. Lehen tantoetan indartsu hasi da Laso, bizi, erritmoa jarriz, eta aurrea hartu du: 1-5. Elezkanori, Artolari, Bengoetxeari irabaztetik zetorren, txapelketa ederra egin du, 21 tanto egin zizkion Ezkurdiari, txapeldunari. Partidak itxura ederra zeukan beretzat.
