Laur eta erdiko Txapelketak eman ditu lehen pausoak eta aitaren batean final laurdenetako ligaxkan sartuko gara
Iruñea, Altsasu, Ezcaray eta Lekunberri dira ligaxkaren lehen jardunaldiko egoitzak. Bengoetxea VI.a eta Olaizola II.ak etzi Labriten jokatuko dute. Ostiralean, Altsasun, Ezkurdia eta Artolaren arteko norgehiagoka. Larunbatean, Ezcaray, Elezkano II.a eta Victor. Azkenengoz, igandean, Lekunberrin, Urrutikoetxea eta Altuna III.a
Zubi luzeko asteburu honen atarian material aukeraketak ere aurreratu dira. Gaur Iruñean eta Altsasun izango dira eta bihar Lekunberrin eta Ezcarayn.
