Bilborako materiala, hasiera batean, ez da oztopo izango, Altuna-Martijak eta Jaka-Mariezkurrenak pozik eta gustura amaitu baitzuten hitzordua
Binakako Txapelketa luzeegia egiten dela entzun eta idatzi izan dugu behin baino gehiagotan. Baina lehenengo fase amaigabea gaindituta, finalerdietako ligaxka motzegia geratuko dela dirudi. Bestela, galdetu Altuna III-Martija eta Jaka-Mariezkurrena II bikoteei. Aurreko asteburuan galtzetik iritsiko dira igandeko neurketa garrantzitsura.
