Zabaleta eta Dario, zirkuituko bi sakatzailerik handienak elkarren aurka ariko dira A multzoa argitu beharko lukeen partidan. Iaz 22-5 gailendu zen atzelaria
Ohi baino beranduago, eta igandean partidarik jokatu gabe itxiko da Buruz Buruko final-laurdenetako ligaxkako bigarren jardunaldia, gaur, Legazpiko Urbeltzen (jaialdia 17.30ean). Jokin Altunaren lesioak hankaz gora jarri zuen A multzoa eta gauza asko argitu litezke jaietan den Urola Garaiko herrian jokatuko den partidan.
