Beñat Rezusta eta Aimar Olaizola ariko dira Banakako Txapelketako lehen final-laurdenean, gaur, Bergaran. Aurrelaria da faborito argia; atzelariak ezustekoa eman nahi du
Berria. Beñat Rezustak handia egin zuen iaz, Banakako Txapelketan: finalerdiak jokatu zituen. Zazpi urte ziren atzelari bat ez zela horren urruti iritsi buruz burukoan. Patxi Ruiz izan zen azkenekoa. Lizarrako atzelariak finalerdiak jokatu zituen 2010ean, baina ez zen hortik pasatu, Juan Martinez de Irujok aise kanporatu baitzuen (22-6). Rezusta, berriz, Iker Irribarriak kaleratu zuen iaz: 22-17.