Bengoetxea-Larunbek 22-17 irabazi diete Altuna III.a-Barriolari, eta sailkatzeko aurrerapausoa eman dute. Galtzaileek jada ez dute aukerarik
Berria. Pozik daude Aspen eta Asegarcen. Ligaxketan, arriskua egon ohi da azken txanpara iritsi orduko guztia erabakita egoteko. Ez da halakorik gertatu aurtengo Binakako Txapelketan, eta duela hiru hilabete hasitako ligaxkak azken eguneraino eutsiko dio emozioari. Eta ez nolanahikoa. Izan ere, sei bikote ariko dira azken jardunaldian finalerdietako ligaxkarako hiru toki eskuratu nahian.
