ASPEk berriro ekin dio, pandemiaren ondorioz bi urtez bertan behera egon ondoren, etorkizuneko pilotari gazteen kontzentrazioa antolatzeari
Pilotaren eragin-eremuko lau puntu kardinaletako zortzi pilotari elkartu dira gaur Eibarko Astelenan. Nafarrak, gipuzkoarrak, errioxarrak, bizkaitarrak eta arabarrak Eibarrera joan dira senide eta lagunekin, lehenbizi pilotalekuan aritzeko eta, ondoren, Arrateko Kantabria jatetxean bazkaltzeko.
Goizeko 10:00etan, Jokin Etxaniz, ASPEko zuzendari teknikoak, promesak iritsi zain zegoen. 13:00ak arte, Etxanizek zenbait entrenamendu antolatu ditu, Fernando Vidarte, ASPEko administratzailearen, eta Iñaxio Errandonea, zuzendari komertzialaren begiradapean.
Hauek izan dira pilotariak: Aner Iglesias (Zaratamo), Alvaro Canseco (Logroño), Bingen Beitia (Zeanuri), Aitor Agesta (Zubieta), Ekhi Irribarria (Arama), Arkaitz Eskuza (Laudio), Beñat Apezetxea (Goizueta), Eneko Beloki (Andoain).