Finaletik garaipen bakarrera, ligaxkako bi aurrekarietan ezin emaitza berdinduagoekin eta finalerdietako ligaxkan Jose Javier Zabaletaonena sufritu ostean heltzen dira Altuna III.a-Mariezkurrenaa eta Peña II.a-Albisu kanporaketa itxura duen igandeko Bilboko partidara
Gara. “Oreka desorekan” du izena Hondarribiko Beti Mugan taldeak 1993an kaleratu zuen disko luze bakarrak, eta izenburu hori ederki egokitzen zaio igandean Bilbon Altuna III.a-Mariezkurrena eta Peña II.a-Albisu bikoek jokatu beharreko partidaren atarikoari. Izan ere, 17 asteko lan eskergaren ostean, oreka nabaria da bi bikoteen artean; biak daude finaletik garaipen bakarrera, eta elkarren artean aurretik jokatutako bi partidetan ere ezin berdintasun handiagorik eskatu, lehen itzulian Aspekoak 22-21 nagusitu ziren eta bigarren itzulian, berriz, Baikokoak.
